Berita Bahasa dan Aksara Jawa 1

ꦠꦶꦪꦁ​ꦏꦺꦴꦫꦺꦪ​ꦭꦺꦂ​ꦧꦺꦴꦠꦼꦤ꧀ꦔꦼꦫ꧀ꦠꦺꦴꦱꦶ​ꦧꦧ꧀ꦥꦼꦩ꧀ꦧꦸꦤꦸꦲꦤꦶꦥꦸꦤ꧀ꦏꦶꦩ꧀ꦗꦺꦴꦁ​ꦤꦩ꧀꧉

​​ꦢꦢꦺꦴꦱ꧀‌ꦏꦺꦴꦫꦺꦪ​ꦏꦶꦢꦸꦭ꧀ꦲꦗꦼꦁꦚꦼꦫꦸꦲꦏꦼꦤ꧀ꦝꦠꦼꦁ​ꦠꦶꦪꦁ​ꦩꦿꦶꦏ​ꦔꦒꦼꦩ꧀ꦭꦺꦴꦱ꧀ꦥꦺꦏꦼꦂ꧉

ꦏꦺꦴꦩꦧꦶꦤꦴꦱꦶꦥ꦳ꦻꦭ꧀ꦥ꦳ꦺꦴꦠꦺꦴꦥꦸꦤꦶꦏꦤꦶꦔꦴꦭꦴꦏꦼꦤꦥꦩꦶꦩ꧀ꦥꦶꦤ꧀ꦏꦺꦴꦫꦺꦪꦴꦭꦺꦂꦏꦶꦩ꧀ꦗꦺꦴꦁꦈꦤ꧈ꦏꦶꦮ꧈ꦤꦭꦶꦏ꧇꧑꧐꧇ꦩꦺꦆ꧇꧒꧐꧑꧖꧇꧈ ꦠꦼꦤ꧀ꦥꦪꦺꦴꦔ꧀ꦪꦁ꧈ꦏꦺꦴꦫꦺꦪꦭꦺꦂ꧈ꦏꦴꦭꦶꦪꦴꦤ꧀ꦏꦶꦩ꧀ꦗꦺꦴꦁꦤꦩ꧀‌ꦠꦼꦔꦼꦤ꧀‌ꦱꦼꦝꦺꦫꦺꦏꦱꦼꦥꦴꦭꦶꦲꦶꦥꦸꦤ꧀ꦏꦶꦩ꧀ꦗꦺꦴꦁꦈꦤ꧀ꦲꦔ꧀ꦏꦁꦢꦶꦥꦸꦤ꧀ꦏꦸꦕꦶꦭꦏꦼꦤ꧀‌ꦠꦼꦤ꧀ꦤꦫꦶꦠ꧈ꦗꦼꦥꦁ꧈, ꦤꦴꦭꦶꦏ꧇꧔꧇ꦩꦺꦆ꧇꧒꧐꧐꧑꧇

 ꧋ꦠꦼꦤ꧀ꦏꦺꦴꦫꦺꦪ​ꦭꦺꦂ꧈​​ꦮꦔ꧀ꦱ​ꦏꦶꦩ꧀ꦧꦺꦴꦠꦼꦤ꧀ꦱꦒꦼꦠ꧀ꦏ꧀ꦭꦺꦤ꧀ꦠꦸ꧉

ꦱ꧀ꦮꦂꦒꦶ​ꦥꦩꦶꦩ꧀ꦥꦶꦤ꧀ꦠꦼꦂꦏꦱꦶꦃ꧈​​ꦏꦶꦩ꧀ꦗꦺꦴꦁ​ꦆꦭ꧀‌ꦲꦩꦺꦃ​ꦲꦩꦺꦃ​ꦢꦶꦥꦸꦤ꧀ꦧꦿꦲꦭꦲꦏꦼꦤ꧀꧈​​ꦱꦼꦫꦠꦤ꧀ꦫꦼꦱ꧀ꦩꦶ​ꦩꦼꦝꦫꦏꦼꦤ꧀ꦥꦚ꧀ꦗꦼꦤꦼꦔꦤꦶꦥꦸꦤ꧀ꦭꦲꦂ​ꦱꦔꦤ꧀ꦝꦥꦶꦥꦸꦤ꧀ꦠꦺꦗ​ꦏꦭꦶꦃ​—​ꦭꦤ꧀ꦏꦭꦲꦫꦤꦶꦥꦸꦤ꧀ꦢꦢꦺꦴꦱꦏꦼꦤ꧀ꦭꦶꦤ꧀ꦠꦁ​ꦲꦺꦁꦒꦭ꧀ꦩꦸꦚ꧀ꦕꦸꦭ꧀ꦠꦼꦤ꧀ꦏꦺꦴꦱ꧀ꦩꦺꦴꦱ꧀꧈

 ​​ꦥꦸꦠꦿꦤꦶꦥꦸꦤ꧀​​ꦥꦿꦶꦥꦸꦤ꧀ꦏꦺꦩꦮꦺꦴꦤ꧀ꦲꦸꦒꦶ꧈​​ꦏꦺꦢꦲꦶꦥꦸꦤ꧀ꦱꦒꦼꦠ꧀ꦒꦝꦃꦥꦶꦠꦸꦭꦸꦔꦤ꧀ꦱꦏꦶꦁ​ꦏꦏꦶꦪꦠꦤ꧀ꦱꦸꦥꦿꦤꦠꦸꦫꦭ꧀ꦩꦼꦤꦶꦏ꧉​​ꦚꦠꦤꦶꦥꦸꦤ꧀ꦥꦸꦠꦿ​ꦥꦩ꧀ꦧꦫꦼꦥꦶꦥꦸꦤ꧀ꦏꦶꦩ꧀ꦗꦺꦴꦁ​ꦆꦭ꧀ꦢꦶꦥꦸꦤ꧀ꦥꦼꦗꦲꦶ​ꦩꦶꦔ꧀ꦒꦸ​ꦤꦶꦏꦶ​ꦏꦤ꧀ꦛꦶ​ꦥꦿꦺꦤ꧀ꦠꦃ​ꦱꦏꦶꦁ​ꦥꦸꦠꦿꦤꦶꦥꦸꦤ꧀ꦫꦒꦶꦭ꧀​​ꦝꦶꦏ꧀ꦠꦠꦺꦴꦂ​ꦥꦫꦤꦺꦴꦲꦶꦢ꧀ꦏꦶꦩ꧀ꦗꦺꦴꦁ​ꦈꦤ꧀꧉

​​ꦥꦸꦠꦿ​ꦥꦩ꧀ꦧꦫꦼꦥ꧀​—​ꦏꦶꦩ꧀ꦗꦺꦴꦁ​ꦤꦩ꧀​​ꦩꦺꦤ꧀ꦢ​ꦕꦼꦩꦼꦔꦶꦥꦸꦤ꧀ꦏꦭꦸꦮꦫ꧀ꦒ​—​ꦢꦶꦥꦸꦤ꧀ꦥꦼꦗꦲꦶ​ꦢꦺꦤꦶꦁ​ꦥꦼꦩ꧀ꦧꦸꦤꦸꦃ​ꦲꦺꦱ꧀ꦠꦿꦶ꧉​​ꦮꦤꦶꦠ​ꦥꦸꦤꦶꦏ꧈​​ꦏꦩꦸꦁꦏꦶꦤꦤ꧀ꦢꦶꦥꦸꦤ꧀ꦚꦩ꧀ꦧꦸꦠ꧀ꦢꦩꦼꦭꦏꦼꦤ꧀ꦢꦺꦤꦶꦁ​ꦫꦺꦗ꦳ꦶꦩ꧀​​ꦚꦼꦫꦁ​ꦠꦂꦒꦺꦠꦶꦥꦸꦤ꧀ꦤꦭꦶꦏ​꧇꧑꧓꧇​​ꦥ꦳ꦺꦧꦿꦸꦮꦫꦶ​꧇꧒꧐꧑꧗꧇​​ꦮꦺꦴꦤ꧀ꦠꦼꦤ꧀ꦧꦤ꧀ꦝꦫ​ꦩꦭꦻꦱꦾ​ꦲꦶꦔ꧀ꦏꦁ​ꦤꦼꦩ꧀ꦧꦺꦱꦶꦧꦸꦏ꧀꧈​​ꦏꦶꦩ꧀ꦗꦺꦴꦁ​ꦤꦩ꧀ꦤꦼꦩ꧀ꦧꦺ​ꦚꦺꦴꦧꦶ​ꦔꦼꦕꦺꦏ꧀ꦝꦠꦼꦁ​ꦥꦤꦼꦫ꧀ꦧꦔꦤ꧀ꦤꦭꦶꦏꦥꦶꦪꦩ꧀ꦧꦏꦶꦥꦸꦤ꧀ꦢꦶꦥꦸꦤ꧀ꦱꦼꦩ꧀ꦥꦿꦺꦴꦠ꧀ꦔꦒꦼꦩ꧀ꦫꦕꦸꦤ꧀ꦲꦶꦔ꧀ꦏꦁ​ꦲꦺꦔ꧀ꦒꦭ꧀ꦧꦼꦫꦺꦪꦏ꧀ꦱꦶ​ꦠꦼꦤ꧀ꦥꦱꦸꦂꦪꦤꦶꦥꦸꦤ꧀꧈​​ꦱꦭꦃ​ꦱꦠꦸꦔ꧀ꦒꦭꦶꦁ​ꦥꦩ꧀ꦧꦸꦤꦸꦃ​ꦲꦶꦁꦏꦁ​ꦢꦶꦥꦸꦚ꧀ꦕꦸꦫꦶꦒꦲ​ꦔꦒꦺꦩ꧀ꦏꦲꦺꦴꦱ꧀ꦏꦱꦼꦫꦠ꧀​꧌ꦭ꧀ꦎꦭ꧀꧍꧉

​​ꦱꦒꦼꦠ꧀ꦢꦶꦥꦸꦤ꧀ꦲꦤ꧀ꦝꦫꦏꦼꦤ꧀ꦩꦼꦤꦮꦶ​ꦝꦶꦠꦶꦭ꧀ꦩꦼꦤꦶꦏ​ꦧꦺꦴꦠꦼꦤ꧀ꦏꦛꦃ​ꦲꦶꦔ꧀ꦏꦁ​ꦱꦩꦶ​ꦔꦼꦂꦠꦺꦴꦱ꧀ꦠꦼꦤ꧀ꦏꦺꦴꦫꦺꦪ​ꦭꦺꦂ꧉​​ꦩꦱꦾꦫꦏꦠ꧀ꦠꦼꦂꦠꦸꦠꦸꦥ꧀ꦫꦥꦼꦠ꧀ꦱꦏꦶꦁ​ꦏꦛꦲꦶꦁ​ꦭꦥꦺꦴꦫꦤ꧀ꦗꦮꦶ꧉​​

ꦄꦒꦺꦤ꧀​ꦥ͜ꦱꦻ-​ꦎꦥ꧀ꦏꦺꦴꦫꦺꦪ​ꦏꦶꦢꦸꦭ꧀​​ꦥꦿꦶꦥꦸꦤ꧀​ꦏꦺꦩꦮꦺꦴꦤ꧀ꦲꦸꦒꦶ꧈​​ꦱꦩ꧀ꦥꦸꦤ꧀ꦤꦺꦩꦺꦴꦲꦏꦼꦤ꧀ꦕꦫ​ꦏꦒꦼꦩ꧀ꦤꦼꦩ꧀ꦧꦸꦱ꧀ꦧꦠꦱ꧀ꦠꦼꦫ꧀ꦠꦸꦠꦸꦥ꧀ꦥꦸꦤꦶꦏ​꧉​​ꦕꦫ​ꦩꦼꦤꦶꦏ​ꦱꦼꦝꦼꦫ꧀ꦲꦤ​ꦱꦔꦼꦠ꧀꧈​​ꦥꦶꦪꦩ꧀ꦧꦏꦶꦥꦸꦤ꧀ꦤꦩꦶꦁ​ꦧꦫꦶꦱꦏꦼꦤ꧀ꦭꦺꦴꦱ꧀ꦥꦺꦏꦼꦂ​ꦢꦪ​ꦲꦸꦭ꧀ꦠꦿ​ꦱꦺꦥꦚ꧀ꦗꦁ​ꦥꦼꦂꦧꦠꦱꦤ꧀ꦲꦱꦽꦥ꧀ꦏꦭꦶꦪꦤ꧀ꦏꦺꦴꦫꦺꦪ​ꦭꦺꦂ꧉

​​ꦩꦶꦠꦸꦫꦸꦠ꧀ꦥꦩ꧀ꦧꦿꦶꦠꦴꦤ꧀​​ꦢ꦳ꦼ​ꦕꦺꦴꦱꦸꦤ꧀ꦆꦭ꧀ꦧꦺꦴ꧈​​ꦩꦶꦭꦶꦠꦺꦂ​ꦏꦺꦴꦫꦺꦪ​ꦏꦶꦢꦸꦭ꧀ꦧꦝꦺ​ꦔꦒꦼꦩ꧀ꦱ꧀ꦥꦺꦏꦼꦂ​ꦥꦸꦤꦶꦏ​ꦏꦒꦼꦩ꧀ꦚꦼꦫꦸꦲꦏꦼꦤ꧀ꦧꦼꦫꦶꦠ​ꦥꦼꦩ꧀ꦧꦸꦤꦸꦲꦤ꧀ꦝꦠꦼꦁ​ꦤꦒꦫ​ꦩꦿꦶꦏꦸ꧉​​

ꦤꦶꦏꦶ​ꦢꦺꦢꦺ​ꦕꦫ​ꦲꦺꦔ꧀ꦒꦭ꧀꧉​​ꦏꦟ꧀ꦝꦶꦱꦥꦺꦫꦔꦤ꧀ꦮꦂꦱ꧈​​ꦏꦺꦴꦫꦺꦪ​ꦏꦶꦢꦸꦭ꧀ꦱꦩ꧀ꦥꦸꦤ꧀ꦔꦒꦼꦩ꧀ꦱ꧀ꦥꦺꦏꦼꦂ ꦥꦸꦤꦶꦏ​ꦏꦟ꧀ꦛꦶ​ꦱꦸꦩꦺꦧꦂ​ꦏꦒꦼꦩ꧀ꦔꦶꦫꦶꦩ꧀ꦥ꦳ꦏ꧀ꦠ​ꦲꦶꦔ꧀ꦏꦁ​ꦧꦺꦴꦠꦺꦤ꧀ꦱꦲꦺ​ꦝꦠꦼꦁ​ꦧꦒꦺꦪꦤ꧀ꦭꦺꦂ​ꦥꦶꦪꦩ꧀ꦧꦏꦶꦥꦸꦤ꧀꧈

ꦱꦧꦺꦤ꧀ꦱꦶꦪꦫꦤ꧀ꦔ꧀ꦒꦝꦲꦶ​ꦠꦸꦗꦸꦮꦤ꧀ꦏꦒꦼꦩ꧀ꦔꦶꦫꦔꦶ​ꦭꦼꦧꦠꦶꦥꦸꦤ꧀ꦲꦶꦤ꧀ꦝꦺꦴꦏ꧀ꦠꦿꦶꦤꦱꦶ​ꦤꦒꦫ꧈​​ꦗꦫꦶꦁ​ꦗꦫꦶꦁ​ꦢꦸꦱ꧀ꦠ​ꦲꦶꦔ꧀ꦏꦁ​ꦏꦥꦼꦟ꧀ꦝꦼꦩ꧀ꦠꦼꦤ꧀ꦥꦶꦏꦶꦫꦤ꧀ꦮꦂꦒ​ꦏꦺꦴꦫꦺꦪ​ꦭꦺꦂ​ꦮꦶꦮꦶꦠ꧀ꦲꦭꦶꦠ꧀꧈

ꦭꦺꦴꦱ꧀ꦥꦺꦏꦼꦂ​ꦩꦼꦤꦶꦏ​ꦕꦼꦛ​ꦕꦼꦛ​ꦢꦩꦼꦭ꧀ꦗꦺꦁꦏꦺꦭ꧀ꦫꦺꦗ꦳ꦶꦩ꧀ꦏꦺꦴꦫꦺꦪ​ꦭꦺꦂ꧈ ꦲꦶꦁꦏꦁꦱꦢꦺꦫꦺꦔꦶꦥꦸꦤ꧀ꦔꦸ ꦩꦸꦩꦏꦼꦤ꧀ꦩꦼꦤꦮꦶꦥꦼꦫꦁ​ꦥ꧀ꦱꦶꦏꦺꦴꦭꦺꦴꦒꦶ​ꦏꦭꦮꦤ꧀ꦏꦺꦴꦫꦺꦪ​ꦭꦺꦂ​ꦱꦒꦼꦠ꧀ꦚꦸꦭꦸꦠ꧀ꦥꦼꦫꦁ​ꦒꦧꦸꦔꦤ꧀‌ ꦥꦚ꧀ꦗꦼꦤꦼꦔꦤꦶꦥꦸꦤ꧀ꦲꦸꦒꦶ​ꦔꦚ꧀ꦕꦩ꧀ꦧꦝꦺ​ꦔ꧀ꦭꦼꦢꦲꦏꦼꦤ꧀ꦧꦫꦁ​ꦩꦼꦤꦶꦏ꧉​​

ꦫꦼꦚ꧀ꦕꦤꦤꦶꦥꦸꦤ꧀​​ꦭꦺꦴꦱ꧀ꦥꦺꦏꦼꦂ​ꦲꦗꦼꦁ​ꦔꦶꦫꦶꦩ꧀ꦧꦼꦫꦶꦠ​ꦧꦮꦃ​ꦠꦤꦃ​ꦔ꧀ꦭꦺꦮꦠꦶꦱꦼꦏꦶꦠꦴꦫ​꧇꧒꧕꧇​​ꦪꦸꦠ​ꦠꦶꦪꦁ​ꦲꦶꦁꦏꦁ​ꦔꦼꦭꦏ꧀ꦲꦶꦤ꧀ꦥ꦳ꦺꦴꦂꦩꦱꦶ꧉​​ꦲꦤꦔꦶꦁ​ꦤꦶꦏꦶ​ꦧꦺꦴꦠꦼꦤ꧀ꦗꦼꦭꦱ꧀ꦩꦺꦤꦮꦶ​ꦠꦏ꧀ꦠꦶꦏ꧀ꦥꦸꦤꦶꦏ ꦲꦺꦥ꦳ꦺꦏ꧀ꦠꦶꦥ꦳꧀ꦱꦔꦼꦠ꧀꧈ 

ꦠꦼꦤ꧀ꦕꦸꦮꦕ​ꦲꦶꦢꦺꦪꦭ꧀​​ꦱ꧀ꦮꦤ꧀ꦠꦼꦤ꧀ꦤꦶꦏ​ꦱꦒꦼꦠꦩ꧀ꦭꦼꦧꦼꦠ꧀ꦏꦺꦴꦫꦺꦪ​ꦭꦺꦂ​ꦔꦤ꧀ꦠꦺꦴꦱꦼꦱꦺꦏꦶꦠꦂ​꧇꧒꧕꧇​​ꦩꦶꦭ꧀꧉​ꦱꦼꦧꦒꦺꦪꦤ꧀ꦏꦛꦃ​ꦚꦸꦮꦤ꧀ꦠꦼꦤ꧀ꦔ꧀ꦭꦺꦮꦠꦶ​ꦭꦲꦤ꧀ꦲꦶꦔ꧀ꦏꦁ​ꦢꦶꦔ꧀ꦒꦺꦤꦶ​ꦥꦫ​ꦥꦚ꧀ꦗꦒ​ꦥꦼꦫ꧀ꦧꦠꦱꦤ꧀꧈

ꦥ꦳ꦠꦺꦴꦲꦶꦔ꧀ꦏꦁꦱꦴꦩ꧀ꦥꦸꦤ꧀ꦢꦶꦥꦸꦤ꧀ꦄꦥ꧀ꦝꦺꦠ꧀ꦭꦤ꧀ꦢꦶꦥꦸꦤ꧀ꦏꦶꦫꦶꦩ꧀ꦤꦴꦭꦶꦏ꧇꧑꧖꧇ꦥ꦳ꦺꦧꦫꦸꦄꦫꦶ꧇꧒꧐꧑꧗꧇ꦤꦶꦔꦴꦭꦴꦏꦼꦤ꧀ꦠꦼꦤꦠꦫꦏꦺꦴꦫꦺꦪꦏꦶꦢꦸ

ꦭ꧀ꦔꦢꦼꦒ꧀ꦕꦼꦭꦏ꧀ꦭꦺꦴꦱ꧀ꦥꦺꦏꦼꦂꦠꦼꦤꦥꦼꦫ꧀ꦧꦠꦱꦤ꧀ꦏꦺꦴꦫꦺꦪꦭꦺꦂ꧈ꦮꦺꦴꦤꦠꦼꦤꦲꦫꦺꦪꦥꦼꦫ꧀ꦧꦠꦱꦤ꧀ꦏꦺꦴꦫꦺꦪꦏꦶꦢꦸꦭ꧀ꦲꦶꦔ꧀ꦏꦁꦧꦺꦴꦠꦺꦤ꧀ꦠꦼꦫ꧀ꦠꦸꦠꦥ꧀꧈

꧊ꦥ꦳ꦺꦴꦠꦺꦴ꧇ꦪꦺꦴꦤꦲꦥ꧀‌ꦌꦥ꧀ꦄ꧊

 

​​ꦱꦶꦪꦫꦤ꧀ꦱꦶꦪꦫꦤ꧀ꦧꦺꦴꦠꦼꦤ꧀ꦠꦼꦫ꧀ꦧꦠꦱ꧀ꦏꦒꦼꦩ꧀ꦥꦚ꧀ꦮꦤ꧀ꦠꦼꦤꦤ꧀ꦲꦤ꧀ꦠꦶ​ꦫꦺꦗ꦳ꦶꦩ꧀ꦥꦔꦤ꧀ꦝꦶꦏꦤꦶꦥꦸꦤ꧀ꦫꦺꦴꦧꦼꦫ꧀ꦠ꧀​ꦏꦺꦭꦶ꧈​​ꦱꦭꦃ​ꦱꦠꦸꦔ꧀ꦒꦭꦶꦁ​ꦥꦿꦺꦴꦥ꦳ꦺꦱꦺꦴꦂ​ꦲꦶꦭ꧀ꦩꦸ​ꦥꦺꦴꦭꦶꦠꦶꦏ꧀ꦠꦼꦤ꧀​ꦈꦤꦶꦮ꦳ꦺꦫ꧀ꦱꦶꦠꦱ꧀ꦤꦱꦶꦪꦺꦴꦤꦭ꧀ꦥꦸꦱ ꦤ꧀ꦏꦺꦴꦫꦺꦪ​ꦏꦶꦢꦸꦭ꧀ꦲꦶꦁꦏꦁ​ꦱꦢꦺꦫꦺꦔꦶꦥꦸꦤ꧀ꦔꦤ꧀ꦝꦶꦏ​ꦝꦠꦼꦁ​ꦥ꧀ꦫ꧀ꦆ꧉​ꦎꦫ꧀ꦒ꧀꧈

​​ꦩꦶꦠꦸꦫꦸꦠ꧀ꦏꦺꦭꦶ꧈​​ꦥꦶꦪꦩ꧀ꦧꦏꦶꦥꦸꦤ꧀ꦲꦸꦒꦶ​ꦚꦼꦠꦺꦭ꧀ꦱꦥꦺꦫꦔꦤ꧀ꦧꦫꦁ​ꦲꦶꦁꦏꦁ​ꦚꦺꦤꦼꦔꦏꦺꦤ꧀ꦏꦢꦺꦴꦱ꧀ꦠ​ꦩꦸꦱꦶꦏ꧀ꦥꦺꦴꦥꦸꦭꦺꦂ꧈​​ꦱ꧀ꦏꦺꦴꦂ​ꦥꦺꦂꦠꦤ꧀ꦝꦶꦔꦤ꧀ꦱꦺꦥꦏ꧀ꦧꦺꦴꦭ꧈​ꦭꦤ꧀ꦱꦥꦤꦸꦔ꧀ꦒꦭꦤꦶꦥꦸꦤ꧀꧈​​

꧌ꦭꦗꦼꦁꦥꦶꦪꦩ꧀ꦧꦏꦶꦥꦸꦤ꧀ꦔ꧀ꦭꦼꦧꦼꦠꦏꦼꦤ꧀ꦲꦶꦤ꧀ꦥ꦳ꦺꦴꦂꦩꦱꦶ​ꦔꦺꦤꦤꦶ​ꦲꦸꦚ꧀ꦗꦸꦏ꧀ꦏꦼꦫ꧀ꦗ​ꦲꦺꦏꦺꦴꦤꦺꦴꦩꦶ​ꦏꦺꦴꦫꦺꦪ​ꦭꦺꦂ​ꦭꦤ꧀ꦥꦿꦶꦥꦸꦤ꧀ꦏꦺꦴꦫꦸꦥꦶꦥꦸꦤ꧀ꦥꦫ​ꦲꦺꦭꦶꦠ꧀ꦏꦺꦴꦫꦺꦪ​ꦭꦺꦂ꧈​꧍ꦥꦔꦤ꧀ꦝꦶꦏꦤꦶꦥꦸꦤ꧀꧈꧌ꦢꦢꦺꦴꦱ꧀ꦥꦚ꧀ꦗꦼꦤꦼꦔꦤ꧀ꦧꦝꦺ​ꦲꦤ꧀ꦠꦸꦏ꧀ꦕꦩ꧀ꦥꦸꦫꦤ꧀ꦱꦏꦶꦁ​ꦧꦼꦧꦼꦤꦼꦂ​ꦩꦸꦠ꧀ꦭꦏ꧀​​ꦲꦶꦧꦸꦫꦤ꧀​ꦱꦲ​ꦥꦿꦺꦴꦥꦒꦟ꧀ꦝ꧉​꧍

​ꦧꦺꦴꦠꦺꦤ꧀ꦗꦼꦭꦱ꧀ꦥꦶꦤ꧀ꦠꦼꦤ꧀ꦩꦮꦺꦴꦤ꧀ꦠꦶꦪꦁ​ꦏꦺꦴꦫꦺꦪ​ꦭꦺꦂ​ꦲꦶꦔ꧀ꦏꦁ​ꦔꦼꦂꦠꦺꦴꦱ꧀ꦔꦺꦤꦤꦶ​ꦮꦺꦴꦤ꧀ꦠꦼꦤꦶꦥꦸꦤ꧀ꦏꦶꦩ꧀ꦗꦺꦴꦁ​ꦤꦩ꧀꧈​​ꦠꦼꦫꦸꦱ꧀ꦠꦼꦫꦁ꧈​​ꦧꦶꦪꦺꦴꦒꦿꦥ꦳ꦶꦤꦶꦥꦸꦤ꧀ꦩꦫꦶꦔꦶ​ꦲꦶꦟ꧀ꦝꦶꦏꦱꦶ​ꦩꦼꦤꦮꦶ​ꦮꦔ꧀ꦱ​ꦏꦶꦩ꧀ꦧꦺꦴꦠꦼꦤ꧀​꧇꧑꧐꧐꧇%​ꦧꦺꦧꦱ꧀ꦱ꧀ꦏꦟ꧀ꦝꦭ꧀​—​ꦭꦤ꧀​ꦔꦿꦸꦤ꧀ꦠꦸꦲꦏꦼꦤ꧀ꦒꦒꦱꦤ꧀ꦩꦼꦤꦮꦶ​ꦱꦶꦭ꧀ꦱꦶꦭꦃ​ꦥꦶꦪꦩ꧀ꦧꦏꦶꦥꦸꦤ꧀ꦱꦸꦕꦶ꧉

​​ꦆꦤ꧀ꦠꦼꦭꦼꦒꦺꦤ꧀ꦱꦶ​ꦏꦺꦴꦫꦺꦪ​ꦏꦶꦢꦸꦭ꧀ꦱꦩ꧀ꦥꦸꦤ꧀ꦢꦔꦸ​ꦚꦠꦲꦏꦼꦤ꧀ꦩꦼꦤꦮꦶ​ꦏꦶꦩ꧀ꦗꦺꦴꦁ​ꦤꦩ꧀ꦢꦶꦥꦸꦤ꧀ꦠꦂꦒꦼꦠꦏꦼ ꦤ꧀ꦱꦸꦥꦢꦺꦴꦱ꧀ꦱꦺꦢ​ꦲꦸꦒꦶ​ꦥꦶꦪꦩ꧀ꦧꦏꦶꦥꦸꦤ꧀ꦱꦩ꧀ꦥꦸꦤ꧀ꦚꦼꦚꦸꦮꦸꦤ꧀ꦫꦪꦶꦤꦶꦥꦸꦤ꧀ꦏꦮꦼꦭꦱꦤ꧀​꧈​​ꦭꦲꦶꦂ​ꦱꦏꦶꦁ​ꦧꦺꦤ꧀ꦠꦼꦤ꧀ꦲꦶꦧꦸ​ꦏꦭꦶꦲꦤ꧀ꦏꦶꦩ꧀ꦗꦺꦴꦁ​ꦈꦤ꧀​​ꦥꦚ꧀ꦗꦼꦤꦼꦔꦤꦶꦥꦸꦤ꧀ꦢꦶꦥꦸꦤ꧀ꦏꦸꦕꦶꦭꦏꦼꦤ꧀ꦱꦏꦶꦁ​ꦏꦭꦸꦮꦂꦒ꧉

​​ꦏꦶꦩ꧀ꦗꦺꦴꦁ​ꦤꦩ꧀ꦧꦺꦴꦏ꧀ꦧꦶꦭꦶꦃ​ꦥꦭꦶꦁ​ꦠꦼꦂꦮꦺꦱ꧀ꦠꦼꦫ꧀ꦤꦶꦱꦱꦶ​ꦠꦶꦤꦶꦩ꧀ꦧꦁ​ꦱꦺꦝꦺꦫꦺꦏ꧀ꦱꦺꦝꦺꦫꦺꦏꦶꦥꦸꦤ꧀꧈​​ꦥꦚ꧀ꦗꦼꦤꦼꦔꦤꦶꦥꦸꦤ꧀ꦱꦶꦤꦲꦸ​ꦠꦼꦤ꧀ꦌꦫꦺꦴꦥ​ꦭꦤ꧀ꦩꦔ꧀ꦒꦺꦤ꧀ꦮꦺꦴꦤ꧀ꦠꦼꦤ꧀ꦮꦶꦭꦪꦃ​ꦩꦕꦻꦴ​ꦠꦼꦤ꧀ꦕꦶꦤ꧈​​ꦧꦼꦏꦱ꧀ꦏꦺꦴ ꦭꦺꦴꦤꦶ​ꦥꦺꦴꦂꦠꦸꦒꦶꦱ꧀꧈

​​ꦥꦚ꧀ꦗꦼꦔꦼꦔꦤꦶꦥꦸꦤ꧀ꦲꦸꦒꦶ​ꦔ꧀ꦒꦝꦲꦶ​ꦲꦏꦸꦤ꧀ꦥ꦳ꦺꦱ꧀ꦧꦸꦏ꧀ꦫꦲꦱꦶꦪ​—​ꦠꦶꦪꦁ​ꦧꦶꦪꦱ​ꦠꦼꦤ꧀ꦏꦛꦃꦧꦼꦭꦲꦤ꧀ꦢꦺꦴꦚ​ꦲꦤꦔꦶꦁ​ꦏꦿꦶꦩꦶꦤꦭ꧀ꦲꦮꦿꦠ꧀ꦠꦼꦤ꧀ꦲꦱꦭꦶꦥꦸꦤ꧀‌ꦏꦺꦴꦫꦺꦪ​ꦭꦺꦂ꧉

​​ꦄꦫ꧀ꦠꦶꦏꦼꦭ꧀ꦩꦼꦤꦶꦏ​ꦲꦮꦭꦶꦥꦸꦤ꧀ꦩꦸꦚ꧀ꦕꦸꦭ꧀ꦠꦼꦤ꧀ꦒ꧀ꦭꦺꦴꦧꦭ꧀ꦥꦺꦴꦱ꧀ꦠ꧀​ꦏꦭꦶꦲꦤ꧀​ꦥ꧀ꦫ꧀ꦆ꧉​ꦎꦫ꧀ꦒ꧀꧉​​ꦲꦶꦱꦶꦤꦶꦥꦸꦤ꧀ꦢꦶꦥꦸꦤ꧀ꦢꦩꦼꦭ꧀ꦏꦤ꧀ꦛꦶ​ꦥꦶꦱꦃ​ꦱꦏꦶꦁ​ꦪꦸꦲꦺꦱ꧀ꦌ​ꦠꦸꦢꦝꦺꦆ꧉ 

 ꧊ꦢꦶꦥꦸꦤꦱꦝꦸꦂꦱꦏꦶꦁ꧇ http://www.usatoday.com/story/news/world/2017/02/17/loudspeakers-blast-kim-jong-nam-assassination-news-into-north-korea/98036232/ ꧊

Versi Latin:

Tiyang Korea Ler boten ngertosi bab pembunuhanipun Kim Jong Nam. Dados, Korea Kidul ajeng nyeruaken dhateng tiyang mrika ngagem lospeker.

Kombinasi file foto punika ningalaken Pamimpin Korea Ler Kim Jong Un, kiwa, nalika 10 Mei 2016, ten Pyongyang, Korea Ler, kalihan Kim Jong Nam, tengen, sedherek sepalihipun Kim Jong Un ingkang dipunkucilaken, ten Narita, Jepang, nalika 4 Mei 2001

Ten Korea Ler, wangsa Kim boten saget klentu.

Swargi pamimpin terkasih, Kim Jong Il, ameh-ameh dipunbrahalaaken. Seratan resmi medharaken  panjenenganipun lair sangandhapipun teja kalih — lan kalairanipun dadosaken lintang enggal muncul ten kosmos.

Putranipun , pripun kemawon ugi, kedahipun saget ngagem pitulungan saking kakiyatan supranatural menika. Nyatanipun, putra pambarepipun Kim Jong Il dipunpejahi minggu niki kanthi prentah saking putranipun ragil, diktator paranoid Kim Jong Un.

Putra pambarep — Kim Jong Nam, menda cemengipun kaluwarga — dipunpejahi dening pembunuh estri. Wanita punika, kamungkinan dipunnyambutdamelaken dening rezim, nyerang targetipun nalika 13 Februari 2017 wonten Bandhara Malaysia ingkang nembe sibuk. Kim Jong Nam nembe nyobi ngecek dhateng panerbangan nalika piyambakipun dipunsemprot ngagem racun ingkang enggal bereaksi ten pasuryanipun. Salah satunggaling pembunuh ingkang dipuncurigai ngagem kaos ingkang kaserat “LOL”.

Saget dipunandharaken menawi dhitil menika boten kathah ingkang sami ngertos ten Koreaa Ler. Masyarakat tertutup rapet saking kathahing laporan jawi.

Agen psy-op (operasi psikologis) Korea Kidul, pripun kemawon ugi, sampun nemoaken cara kagem nembus batas tertutup punika . Cara menika sedherhana sanget. Piyambakipun naming barisaken lospeker daya ultra sepanjang perbatasan asrep kaliyan Korea Ler.

Miturut pambritaan, The Chosun Ilbo, militer Korea Kidul badhe ngagem speaker punika kagem nyeruaken berita pembunuhan dhateng nagara mriku.

Niki dede cara enggal. Kanthi saperangan warsa, Korea Kidul sampun ngagem speaker punika kanthi sumebar kagem ngirim fakta ingkang boten sae dhateng bageyan ler piyambakipun.

Saben siaran nggadhahi tujuan kagem ngirangi lebatipun indoktrinasi nagara, jaring-jaring dusta ingkang kapendhem ten pikiran warga Korea Ler wiwit alit.

Lospeker menika cetha-cetha damel jengkel rezim Korea Ler, ingkang saderengipun ngumumaken menawi perang psikologi kalawan Koreaa Ler saget nyulut perang gabungan. Panjenenganipun ugi ngancam badhe ngledhaaken barang menika.

Rencananipun, lospeker ajeng ngirim berita bawah tanah ngllewati 25 yuta tiyang ingkang ngelak informasi. Ananging niki boten jelas menawi taktik punika efektif sanget.

Ten cuaca ideal, swanten nika saget mlebet Korea Ler ngantos sekitar 25 mil. Sebagean kathah nyuwanten nglewati lahan ingkang dinggeni para penjaga perbatasan.

Foto ingkang sampun dipunupdhate lan dipunkirim nalika 16 Februari 2017 ningalaken tentara Korea Kidul ngadekg celak lospeker ten perbatasan Korea Ler, wonten area Korea Kidul ingkang boten tertutup.(Foto: YONHAP, EPA)

Siaran-siaran  boten terbatas kagem panywantenan anti rezim, pangandhikanipun Robert Kelly, salah satunggaling profesor ilmu politik ten Universitas National Pusan Koreya Kidul ingkang saderengipun ngandhika dhateng PRI.org.

Miturut Kelly, piyambakipun ugi nyetel saperangan barang ingkang nyenengaken kadosta musik populer, skor pertandingan sepakbola lan sapanunggalanipun.

“Lajeng piyambakipun nglebetaken informasi ngenani unjuk kerja ekonomi Korea Ler lan pripun korupipun para elit Korea Ler,” pangandhikanipun. “Dados panjenengan badhe antuk campuran saking bebener mutlak, hiburan saha propaganda.”

Boten jelas pinten mawon tiyang Korea Ler ingkang ngertos ngenani wontenipun Kim Jong Nam. Terus terang, biografinipun maringi indikasi menawi wangsa Kim boten 100% bebas skandal — lan ngruntuhaken gagasan menawi silsilah piyambakipun suci. 

Intelejensi Korea Kidul sampun dangu nyataaken menawi Kim Jong Nam dipuntargetaken supados seda ugi piyambakipun sampun nyenyuwun rayinipun kawelasan . Lair saking benten ibu kalihan Kim Jong Un, panjenenganipun dipunkucilaken saking kaluwarga.

Kim Jong Nam bok bilih paling terwesternisasi tinimbang sedherek-sedherekipun. Panjenenganipun sinau ten Eropa lan manggen wonten wilayah Macau ten China, bekas koloni Portugis.

Panjengenganipun ugi nggadhahi akun Fesbuk rahasia — tiyang biasa ten kathah belahan donya ananging kriminal awrat ten asalipun, Korea Ler.

Artikel menika awalipun muncul ten GlobalPost kalihan PRI.org. Isinipun dipundamel kanthi pisah saking USA Today.

(Disadhur saking: http://www.usatoday.com/story/news/world/2017/02/17/loudspeakers-blast-kim-jong-nam-assassination-news-into-north-korea/98036232/ )